Janubiy Koreya kompaniyasi O‘zbekiston maktablariga pianino sovg‘a qildi

Janubiy Koreyaning Booyoung Housing Co. LTD kompaniyasi Xalq ta’limi hamda Maktabgacha ta’lim vazirliklariga ikki mingta raqamli pianino sovg‘a qildi.

Ta’kidlash joizki, mamlakatimiz Prezidenti Shavkat Mirziyoevning Koreya Respublikasiga tashrifi chog‘ida Booyoung Housing Co. LTD kompaniyasi bilan yurtimiz ta’lim muassasalariga ikki mingta raqamli pianinoni bepul topshirish bo‘yicha shartnoma imzolagan edi. Mazkur shartnomaga muvofiq Xalq ta’limi vazirligi 1000 ta raqamli pianino olishi hamda bu pianinolar maktablarga berilishi rejaga kiritilgan.

Ushbu loyiha yurtboshimiz tomonidan ilgari surilgan beshta muhim tashabbus bo‘yicha ijtimoiy, ma’naviy va ma’rifiy ishlarni amalga oshirishga xizmat qiladi.

Eslatib o‘tamiz, Prezidentimiz tomonidan ilgari surilgan birinchi tashabbus yoshlarning musiqa, adabiyot, teatr va san’atning boshqa turlariga qiziqishini oshirishga qaratilgan.

Xalq ta’limi vazirligi
Axborot xizmati

Muallif Abbos Mirzo

Abbos Mirzo
Sayt haqida fikr va mulohazalaringizni qayta aloqa formasi orqali kutib qolamiz!

Javob qoldirish

Email manzilingiz hech kimga ko'rsatilmaydi.Majburiy bo'limlar belgilangan *

*